Святитель Василий Великий

Нравственные правила

Правила 31, 32, 33, 34, 35, 36, 37, 38, 39, 40

Правило 31.
О долгах и уплате оных

Глава 1. С благопризнательностью надобно воздавать каждому должное.

И вопросúша Его, глаголюще: Учителю, вемы, яко право глаголеши и учúши, и не на лицá зрúши, но воистинну пути Божию учúши; достóит ли нам кесареви дань даяти, илú ни? Разумев же их лукавство, речé к ним: чтò Мя искушаете? покажúте Ми динарий? чий úмать образ и подписание? Отвещавше же рекóша: кесарев. Он же речé им: воздадите убо, яже кесарева, кесареви, и яже Божия, Богови (Лк. 20:21; Лк. 20:22; Лк. 20:23; Лк. 20:24; Лк. 20:25).

Воздадúте убо всем должная: емýже (убо) урок, урок; а емуже дань, дань; а емуже страх, страх; и емуже честь, честь. Ни единому же ничúмже дóлжни бывайте, тóчию éже любúти друг дрýга (Рим. 13:7; Рим. 13:8).

Правило 32.
Об употреблении того,
чтò отделено для святых

Глава 1. Отделенного для посвятивших себя Богу не дóлжно издерживать на других, разве будут от сего избытки.

Жена же бе éллинска, сирофиникúсса рóдом; и моляше Его, да беса изженет из дщере ея. Иисус же речé ей: остави, да пéрвее насытятся чада: несть бо добрó отъяти хлеб чадом и поврещú псом. Она же отвещавши глагола Ему: ей, Господи; и пси под трапéзою ядят от крупиц детей. И речé ей: за сие слово, иди: изыде бес из дщере твоея (Мк. 7:26; Мк. 7:27; Мк. 7:28; Мк. 7:29).

Правило 33.
О соблазняющих и соблазняемых

Глава 1. Соблазнять не дóлжно.

А иже аще соблазнит единаго малых сих верующих в Мя, ýне есть ему, да обéсится жéрнов оселский на выи его, и потонет в пучине морстéй (Мф. 18:6). И еще: Гóре человеку томý, úмже соблазн приходит (Мф. 18:7).

Но сие паче судúте, éже не полагати претыкания брату или соблазна (Рим. 14:13).

Глава 2. Всё противоположное воле Господней есть соблазн.

Оттоле начáт Иисус скáзовати учеником Своим, яко подобает Ему итú во Иерусалим и много пострадати от старец и архиерей и книжник, и убиéну быти, и в третий день востáти. И поéмь Его Петр, начáт пререцáти Ему глаголя: милосерд Ты, Господи; не úмать быти Тебе сие. Он же обращься речé Петрóви: иди за Мною, сатанó, соблазн Ми есú, яко не мыслиши яже (суть) Божия, но человеческая (Мф. 16:21; Мф. 16:22; Мф. 16:23).

Глава 3. Дóлжно избегать и такого дéла или слóва, которое дозволено Писанием, когда другие чем-либо подобным располагаются ко греху или к томý, что теряют сколько ни есть усердия к добру.

О ядении убо идоложертвенных вемы, яко идол ничтоже есть в мiре, и яко никтоже Бог ин, токмо един. Аще бо и суть глаголемии бози, или на небеси, или на землú; якоже суть бози мнози и господие мнози; но нам един Бог Отец, из Негоже вся, и мы у Него, и един Господь Иисус Христос, Имже вся, и мы Тем. Но не во всех разум; нецыи же совестию идолскою даже доселе якоже идоложертвенное ядят, и совесть их, немощнá сущи, сквернится. Брашно же нас не поставляет пред Богом: нижé бо аще ямы, избыточествуем, нижé аще не ямы, лишаемся. Блюдите же, да не кáко власть ваша сия преткновение будет немощным. Аще бо кто видит тя, имуща разум, в требищи возлежаща, не совесть ли его немощнá сущи созиждется идоложертвенная ясти? И погибнет немощный брат в твоем разуме, егоже ради Христос ýмре. Тáкожде согрешающе в братию и биюще их совесть немощну сущу, во Христа согрешаете. Темже аще брашно соблазняет брата моего, не úмам ясти мяса во веки, да не соблазню брата моего (1Кор. 8:4-13).

Еда не úмамы власти ясти и пúти? Еда не úмамы власти сестру жену водúти, яко и прочии апостоли, и братия Господня, и Кифа? Илú един аз и Варнава не úмамы власти éже не делати? Ктò воинствует своими оброки когда? Илú ктò насаждает виноград, и от плода его не яст? Илú ктò пасет стадо, и от млекá стáда не яст? (1Кор. 9:4; 1Кор. 9:5; 1Кор. 9:6; 1Кор. 9:7) и проч.

Глава 4. Для того, чтобы не соблазнить кого, дóлжно делать и то, чтò не есть необходимо.

Пришедшим же им в Капернаум, приступúша приемлющии дидрахмы к Петрóви и рéша: Учитель ваш не даст ли дидрахмы? Глагола: ей. И егда внúде в дом, предварú его Иисус, глаголя: чтò ти мнится, Сúмоне? цáрие зéмстии от кúих приемлют дáни илú кинсóн? от своих ли сынов, или от чужих? Глагола ему Петр: от чужих. Речé Ему Иисус: убо свободни суть сынове; но да не соблазним их, шед на море, вéрзи ýдицу, и, юже прежде úмеши рыбу, возми; и отверз уста ей, обрящеши статúр; той взем даждь им за Мя и за ся (Мф. 17:24; Мф. 17:25; Мф. 17:26; Мф. 17:27).

Глава 5. В исполнении воли Господней, хотя и соблазняются некоторые, дóлжно показывать непреклонное дерзновение.

Не входящее во уста сквернит человека, но исходящее изо уст, тò сквернит человека. Тогда приступльше ученицы Его рéша Ему: вéси ли, яко фарисее слышавше слово соблазнишася? Он же отвещав речé: всяк сад, егóже не насадú Отец Мой Небесный, искоренится; оставите их: вожди суть слéпи слепцéм; слепец же слепца аще водит, оба в яму впадетася (Мф. 15:11; Мф. 15:12; Мф. 15:13; Мф. 15:14).

Аминь, аминь глаголю вам: аще не снéсте Плоти Сына Человеческаго, ни пиéте Крóве Его, живота не úмате в себе (Ин. 6:53). И несколько ниже: От сего мнози от ученик Его идоша вспять и ктому не хождаху с Ним. Речé же Иисус обеманáдесяте: еда и вы хóщете итú? (Ин. 6:66; Ин. 6:67).

Яко Христово благоухание есмы Богови в спасаемых и в погибающих; óвем убо вóня смертная в смерть, óвем же вóня животная в живот. И к сим ктò доволен? (2Кор. 2:15; 2Кор. 2:16).

Правило 34.
Об обязанности каждого
быть для других в своей мере
образцом добродетелей

Глава 1. Каждый в своей мере должен для других представлять в себе образец добродетелей.

Научúтеся от Менé, яко кроток есмь и смирéн сердцем (Мф. 11:29).

Вем бо усердие ваше, úмже о вас хвалюся македóняном, яко Ахаиа приготовися от мимошедшаго лéта; и яже от вас ревность раздражú мнóжайших (2Кор. 9:2).

И вы подобницы бысте нам и Господу, приемше слово в скóрби мнозе с радостию Духа Святаго, яко быти вам образ всем верующым в Македонии и Ахаии (1Фес. 1:6; 1Фес. 1:7).

Правило 35.
Об унижающих доброе в других

Глава 1. Кто видит в другóм плод Святого Духа, во всём отличающийся равным богочестием, и не Святому Духу его приписывает, но присвояет противнику, тот произносит хулу на Самогó Святого Духа.

Тогда приведóша к Нему беснующася слéпа и нéма; и исцелú его, яко слепому и немому глаголати и глядати. И дивляхуся вси народи глаголюще: еда Сей есть (Христос) Сын Давидов? Фарисее же слышавше рéша: Сей не изгóнит бесы, токмо о веельзевуле князи бесóвстем. Вéдый же Иисус мысли их, речé им: ..Аще ли же Аз о Дусе Божии изгоню бесы, убо постúже на вас Царствие Божие (Мф. 12:22; Мф. 12:23; Мф. 12:24; Мф. 12:25; Мф. 12:28). И далее присовокупляет: Сего ради глаголю вам: всяк грех и хула отпýстится человеком, а яже на Духа хула не отпустится человеком; и иже аще речéт слово на Сына Человеческаго, отпустится ему; а иже речéт на Духа Святаго, не отпустится ему ни в сей век, ни в будущий (Мф. 12:31; Мф. 12:32).

Правило 36.
О чествовании святых
и о расположении к ним

Глава 1. Тех, которые соблюдают образ Господня учения, со всем тщанием и со всякою честью дóлжно принимать во славу Самогó Гóспода. А кто не слушает и не принимает их, тот осуждается.

Иже вас приемлет, Менé приемлет; и иже приемлет Менé, приемлет Пославшаго Мя (Мф. 10:40). И иже аще не приúмет вас, нижé послушает словес ваших, исходяще из дóму илú из града того, отрясите прах ног ваших. Аминь глаголю вам: отраднее будет землú Содомстей и Гоморрстей в день судный, нéже граду томý (Мф. 10:14; Мф. 10:15).

Приемляй, аще кого послю, Менé приемлет; а приемляй Менé приемлет Пославшаго Мя (Ин. 13:20).

Потребнее же возмнех Епафродита брата и споспешника и своинника моего, вашего же посланника и служителя потребе моей, послати к вам (Флп. 2:25). И немного ниже: Приимúте убо его о Господе со всякою радостию, и таковыя чéстны имейте (Флп. 2:29).

Правило 37.
Кàк надобно угощать

Глава 1. Христианин и угощение братиям должен делать нешумное и простое.

Глагола Ему един от ученик Его, Андрей, брат Сúмона Петрá: есть óтрочищь зде един, иже úмать пять хлеб ячменных и две рыбе; но сúи чтò суть на толúко? Речé же Иисус: сотворите человеки возлещú. Бе же трава многа на месте. Возлежé убо мужей числом яко пять тысящ. Прият же хлéбы Иисус и, хвалу воздав, подадé... возлежащым; тáкожде и от рыбу, елúко хотяху (Ин. 6:8; Ин. 6:9; Ин. 6:10; Ин. 6:11).

Жена же некая именем Марфа прият Его в дом свой. И сестра ей бе нарицаемая Мариа, яже и сéдши при ногý Иисусову, слышаше слово Его. Марфа же мóлвяше о мнозе службе, ставши же речé: Господи, не брежéши ли, яко сестра моя едину мя остáви служúти? рцы убо ей, да ми поможет. Отвещав же Иисус речé ей: Мáрфо, Марфо, печéшися и молвиши о мнозе, едино же есть на потребу. Мариа же благую часть избрá, яже не отымется от нея (Лк. 10:38-42).

Правило 38.
Об усердствующих, по мере сил,
малостью

Глава 1. Усердие, по мере сил оказываемое, хотя оно состоит и в самых малостях, благоприятно Богу, даже когда и женщины его оказывают.

И иже аще напоúт единаго от малых сих чашею студены воды токмо, во имя ученика, аминь глаголю вам, не погубúт мзды своея (Мф. 10:42).

Воззрев же вúде вметающыя в сокровищное хранилище дары своя богатыя; вúде же и некую вдовицу убогу вметающу ту две лéпте, и речé: воистинну глаголю вам, яко вдовица сия убогая мнóжае всех ввéрже; вси бо сúи от избытка своего ввергоша в дáры Богови, сия же от лишения своего все житие, éже имé, ввéрже (Лк. 21:1; Лк. 21:2; Лк. 21:3; Лк. 21:4).

Иисусу же бывшу в Вифании, в домý Сúмона прокаженнаго, приступú к Нему жена, сткляницу мѵра имýщи многоценнаго, и возливаше на главу Его возлежаща. Видевше же ученицы Его негодоваша, глаголюще: чесó ради гибель сия (бысть)? Можáше бо сие мѵро проданó быти на мнозе и датися нищым. Разумев же Иисус речé им: чтò труждаете жену? дело бо добрó содéла о Мне (Мф. 26:6; Мф. 26:7; Мф. 26:8; Мф. 26:9; Мф. 26:10).

О Лидии: Якоже крестúся и дом ея, моляше ны глаголющи: аще усмотрúсте мя вéрну Господеви быти, вшедше в дом мой, пребýдите. И принýди нас (Деян. 16:15).

Правило 39.
О преподающих новые учения

Глава 1. Не дóлжно терпеть преподающих новые учения, хотя они и притворяются, к обольщению и убеждению нетвердых.

Блюдúте, да никтоже вас прельстит; мнози бо приúдут во имя Мое, глаголюще: аз есмь Христос; и многи прельстят (Мф. 24:4; Мф. 24:5).

Внемлúте себе от книжник хотящих ходúти во одеждах, и любящих целования на торжищах и председания на сонмищих, и преждевозлежания на вéчерях, иже снедáют дóмы вдовиц и лицемерно на дóлзе молятся; сúи приúмут лúшше осуждение (Лк. 20:46; Лк. 20:47).

Но и аще мы, илú Ангел с небесé благовестит вам паче, éже благовестúхом вам, анафема да будет. Якоже предрекохом, и ныне паки глаголю: аще кто вам благовестúт паче, éже приясте, анафема да будет (Гал. 1:8; Гал. 1:9).

Правило 40.
Об отсечении соблазнителей
и о пощаде тех,
которые более немощны

Глава 1. Дóлжно отсекать всё соблазняющее, хотя оно, по-видимому, весьма близко к нам и необходимо для нас.

Гóре человеку томý, úмже соблазн приходит. Аще ли рука твоя или нога твоя соблажняет тя, отсецы ю и вéрзи от себе: добрéйше ти есть внúти в живот хрóму или бéдну, нéже две рýце и две нóзе имýщу ввéржену быти во огнь вечный. И аще око твое соблажняет тя, измú е и вéрзи от себе (Мф. 18:7; Мф. 18:8; Мф. 18:9).

Глава 2. Тех, которые более немощны в вере, дóлжно щадить и тщательно возводить их к совершенству; впрочем, щадить без нарушения заповеди Божией.

Трóсти сокрушéнны не прелóмит и лéна внéмшася не угасúт, дóндеже изведéт в победу суд; и на имя Его языцы уповати úмут (Мф. 12:20; Мф. 12:21).

Изнемогающаго же в вере приéмлите (Рим. 14:1).

Аще и впадет человек в некое прегрешение, вы духовнии исправляйте таковаго духом кротости: блюдый себе, да не и ты искушéн бýдеши. Друг дрýга тяготы носúте, и тáко исполните закон Христов (Гал. 6:1; Гал. 6:2).

► Правила 41–50

Текст по изданию «Святитель Василий Великий. Избранные творения» (Издательство Сретенского монастыря, М., 2008 г.).
Эл. издание — сайт ἩΣΥΧΊΑ (hesychia.narod.ru). При размещении на других сайтах — ссылка обязательна.