Святитель Василий Великий

Нравственные правила

Правила 1, 2, 3, 4, 5, 6, 7, 8, 9, 10

Правило 1.
О покаянии, о врéмени покаяния,
о свойствах и о плодах его

Глава 1. Верующие в Гóспода должны прежде всего покаяться, по проповеди Иоанновой и по проповеди Самогó Гóспода нашего Иисуса Христа. Ибо те, которые ныне не каются, осуждены будут более осужденных прежде Евангелия.

Оттоле начáт Иисус проповедати и глаголати: покайтеся, приближися бо Царство Небесное (Мф. 4:17).

Тогда начáт Иисус поношати градовом, в нихже быша множайшия силы Его, зане не покаяшася. Гóре тебе, Хоразине, гóре тебе, Вифсаидо: яко аще в Тире и Сидоне быша силы были бывшия в вас, древле убо во вретищи и пепеле седящи покаялися быша. Обаче... Тиру и Сидону отраднее будет в день судный, неже вам, и прочее (Мф. 11:20; Мф. 11:21; Мф. 11:22; Мф. 11:23; Лк. 10:13; Лк. 10:14; Лк. 10:15).

Глава 2. Настоящее время есть время покаяния и отпущения грехов, а в будущем веке праведный суд воздаяния.

Но да увесте, яко власть имать Сын Человеческий на землú отпущати грехи (Мк. 2:10).

Аминь бо глаголю вам: елика аще свяжете на землú, будут связана на небеси: и елика аще разрешите на землú, будут разрешена на небесех. Паки аминь глаголю вам, яко аще два от вас совещаета на землú о всяцей вещи, еяже аще прóсита, будет úма от Отца Моего, Иже на небесех (Мф. 18:18; Мф. 18:19).

Яко грядéт час, в оньже вси сущии во гробех услышат глас Сына Божия, и изыдут сотворшии благая в воскрешение живота, а сотворшии злая в воскрешение суда (Ин. 5:28; Ин. 5:29).

Илú о богатстве благости Его и кротости и долготерпении нерадúши, не вéдый, яко благость Божия на покаяние тя ведет? По жестокости же твоей и непокаянному сердцу, собираеши себе гнев в день гнева и откровения праведнаго суда Божия, Иже воздаст коемýждо по делом его (Рим. 2:4; Рим. 2:5; Рим. 2:6).

Лéта убо невéдения презирая Бог, ныне повелевает человеком всем всюду покаятися: занé уставил есть день, в оньже хощет судити вселенней (Деян. 17:30; Деян. 17:31).

Глава 3. Кающиеся должны горько плакать и прочее, чтò свойственно покаянию, изъявлять от сéрдца.

И помяну Петр глагол Иисусов, реченный ему, яко прежде даже пéтель не возгласит, трикраты отвержешися Мене. И изшед вон плакася горько (Мф. 26:75).

Но утешаяй смиренныя, утеши нас Бог пришествием Титовым, не токмо же пришествием его, но и утешением, úмже утéшися о вас, поведая нам ваше желание, ваше рыдание, вашу ревность по мне (2Кор. 7:6; 2Кор. 7:7). И вскоре потóм: Се бо, сие самое, еже по Бозе оскорбитися вам, колúко содела в вас тщание? Но ответ, но негодование, но страх, но вожделение, но ревность, но отмщение? Во всем представисте себе чисты быти в вещи (2Кор. 7:11).

Мнози же от веровавших прихождаху, исповéдающе и сказующе делá своя; доволни же от сотворших чародеяния, собравше книги своя, сожигаху пред всеми (Деян. 19:18; Деян. 19:19).

Глава 4. Кающимся недостаточно ко спасению одно удаление от грехов, но потребны им и плоды, достойные покаяния.

Видев же многи фарисеи и саддукеи грядущие на крещение его, рече им: рождения ехиднова, ктò сказа вам бежати от будущаго гнева? сотворите убо плод достоин покаяния, и не начинайте глаголати в себе: отца úмамы Авраама; глаголю бо вам, яко может Бог от камения сего воздвигнути чада Аврааму; ужé бо и секира при кóрени дрéва лежит; всяко убо древо, еже не творит плода добрá, посекаемо бывает и во огнь вметаемо (Мф. 3:7; Мф. 3:8; Мф. 3:9; Мф. 3:10).

Глава 5. По отшествии из сей жизни нет ужé врéмени для добрых дел, потому что Бог по долготерпению Своему время настоящей жизни определил на делание нужного для угождения Богу.

Тогда уподóбися Царствие Небесное десятúм девам, яже прияша светилники своя и изыдоша в срéтение Жениху. Пять же бе от них мудры и пять юродивы. Юродивыя же, приемше светилники своя, не взяша с собою елеа; мудрыя же прияша елей в сосудех со светилники своими; коснящу же Жениху, воздремашася вся и спаху. Полýнощи же вопль бысть: се, Жених грядет, исходúте в сретение Его. Тогда восташа вся девы тыя и украсиша светилники своя. Юродивыя же мудрым реша: дадите нам от елеа вашего, яко светилницы наши угасают. Отвещаша же мудрыя, глаголюща: еда како не достанет нам и вам; идите же паче к продающим и купúте себе. Идущим же им купити, прииде Жених; и готовыя внидоша с ним на браки, и затворéны быша двéри. Последú же приидоша и прочия девы, глаголюща: Господи, Господи, отверзи нам. Он же отвещав рече им: аминь глаголю вам, не вем вас (Мф. 25:1-12).

Подвизайтеся внúти сквозé тесная вратá; яко мнози, глаголю вам, взыщут внити и не возмогут. Отнéлеже востанет дóму Владыка и затворит двéри, и начнете вне стояти и ударяти в двéри, глаголюще: Господи, Господи, отверзи нам. И отвещав речет вам: не вем вас, откуду естé (Лк. 13:24; Лк. 13:25).

Се, ныне время благоприятно, се, ныне день спасения. Ни едино ни в чемже дающе претыкание, да служение безпорочно будет, но во всем представляюще себе якоже Божия слугú (2Кор. 6:2; 2Кор. 6:3; 2Кор. 6:4).

Темже убо дóндеже время úмамы, да делаим благое ко всем (Гал. 6:10).

Правило 2.
О том, что тщание
желающих благоугодить Богу
должнó быть ни с чем противным
не соединяемо и чисто

Глава 1. Вмешивающийся в делá, чуждые богочестию, не в состоянии будет служить Богу.

Никтоже может двемá господúнома работати; любо единаго возлюбит, а другаго возненавидит; или единаго держится, о друзем же нерадити начнет. Не можете Богу работати и мамоне (Мф. 6:24).

Не бывайте (удобь) преложни ко иному ярму, якоже невернии. Кое бо причастие правде к беззаконию? Или кое общение свету ко тме? Кое же согласие Христови с Велиаром? Или кая часть вéрну с неверным? Или кое сложение Церкви Божией со идолы? (2Кор. 6:14; 2Кор. 6:15; 2Кор. 6:16).

Глава 2. Вступивший в послушание Евангелию должен прежде всего очистить себя от всякой скверны плоти и духа, чтобы чрез это соделаться благоприятным Богу в делах святыни.

Гóре вам, книжницы и фарисее, лицемери, яко очищаете внешнее сткляницы и блюда, внутрьуду же суть пóлни хищения и неправды; фарисее слепый, очисти прежде внутреннее сткляницы и блюда, да будет и внешнее úма чисто (Мф. 23:25; Мф. 23:26).

Сицевá убо имуще обетования, о возлюбленнии, очистим себе от всякия скверны плоти и духа, творяще святыню в страсе Божии (2Кор. 7:1).

Глава 3. Не может стать учеником Господним, кто пристрастен к чему-нибудь настоящему или терпит при себе что-либо, хотя мало отвлекающее от Божией заповеди.

Иже любит отца или матерь паче Мене, несть Мене достоин; и иже любит сына или дщерь паче Мене, несть Мене достоин; и иже не приимет креста своего и вслед Мене грядет, несть Мене достоин (Мф. 10:37; Мф. 10:38).

Аще кто хощет по Мне идти, да отвержется себе и возмет крест свой и по Мне грядет; иже бо аще хощет дýшу свою спасти, погубит ю (Мф. 16:24; Мф. 16:25).

Правило 3.
О любви к Богу
и о том, какой ее признак

Глава 1. По засвидетельствованию Гóспода, первая и бóльшая заповедь в Законе — любить Бога всем сердцем, а вторая — любить ближнего как себя самогó.

Иисус же речé ему: возлюбиши Гóспода Бога твоего всем сердцем твоим, и всею душею твоею, и всею мыслию твоею; сия есть первая и бóлшая заповедь; вторая же подобна ей: возлюбиши искренняго твоего яко сам себе (Мф. 22:37; Мф. 22:38; Мф. 22:39).

Глава 2. Не соблюдать заповедей Христовых значит не любить Бога и Христа Его; а признак любви — соблюдение заповедей Христовых, в терпении страданий Христовых, даже до смерти.

Имеяй заповеди Моя и соблюдаяй их, той есть любяй Мя... Не любяй Мя словес Моих не соблюдает (Ин. 14:21; Ин. 14:24). Аще заповеди Моя соблюдете, пребудете в любви Моей, якоже Аз заповеди Отца Моего соблюдох и пребываю в Его любви (Ин. 15:10).

Ктò ны разлучит от любве Божия? скорбь ли, илú теснота, или гонение, или глад, или нагота, или беда, или меч? якоже есть писано: яко Тебе ради умерщвляеми есмы весь день; вменихомся якоже óвцы заколения. Но во всех сих препобеждаем за Возлюбльшаго ны и прочее (Рим. 8:35; Рим. 8:36; Рим. 8:37).

Правило 4.
Чтò такое честь Богу,
и чтò — бесчестие

Глава 1. Чтит и прославляет Бога, кто исполняет волю Его; а бесчестит Бога, кто преступает закон Его.

Аз прославих Тя на землú, дело соверших, еже дал еси Мне да сотворю (Ин. 17:4).

Тако да просветúтся свет ваш пред человеки, яко да видят ваша добрая делá и прославят Отца вашего, Иже на небесех (Мф. 5:16).

Да будете чисти и непреткновенни в день Христов, исполнени плодов правды Иисус Христом, в славу и похвалу Божию (Флп. 1:10; Флп. 1:11).

Иже в законе хвáлишися, преступлением закона Бога безчествуеши (Рим. 2:23).

Правило 5.
О взаимной любви друг к другу
и о свойствах ее

Глава 1. Очистившись от всякой ко всем ненависти, дóлжно любить и врагов, а за друзей, когда потребует сего нужда, полагать дýшу, имея такую же любовь, какую возымел к нам Бог и Христос Его.

Слышасте, яко речéно есть: возлюбиши искренняго твоего и возненавидиши врага твоего. Аз же глаголю вам: любúте враги ваша (Мф. 5:43; Мф. 5:44). И вскоре потóм: Бýдите убо вы совершéни, якоже Отец ваш Небесный совершен есть (Мф. 5:48).

Тáко бо возлюбú Бог мiр, яко и Сына Своего Единороднаго дал есть (Ин. 3:16).

Сия есть заповедь Моя, да любите друг друга, якоже возлюбих вы; бóлши сея любве никтоже úмать, да кто дýшу свою положúт за дрýги своя (Ин. 15:12; Ин. 15:13).

И будете сынове Вышняго; яко Той благ есть на безблагодатныя и злыя. Бýдите убо милосерди, якоже и Отец ваш милосерд есть (Лк. 6:35; Лк. 6:36).

Составляет же Свою любовь к нам Бог, яко, еще грешником сущим нам, Христос за ны ýмре (Рим. 5:8).

Бывайте убо подражателе Богу, якоже чада возлюбленная, и ходúте в любви, якоже и Христос возлюбил есть нас и предадé Себе за ны приношение и жертву Богу (Еф. 5:1; Еф. 5:2).

Глава 2. Признак учеников Христовых — взаимная друг к другу любовь во Христе.

О сем разумеют вси, яко Мои ученицы есте, аще любовь úмате междý собою (Ин. 13:35).

Глава 3. Сделать какой-либо вред ближнему или оскорбить его к ущербу веры, хотя бы поступок по особенной какой причине дозволяем был Писанием, значит не иметь Христовой любви к ближнему.

Аще же брáшна ради брат твой скорбит, ужé не по любви хóдиши; не брашном твоим того погубляй, за негоже Христос ýмре (Рим. 14:15).

Глава 4. Христианин, по мере сил, всеми способами должен смягчать того, кто огорчен против него.

Аще убо принесéши дар твой ко олтарю и ту помянéши, яко брат твой úмать нечто на тя; остави ту дар твой пред олтарем и шед прежде смирися с братом твоим, и тогда пришед, принеси дар твой (Мф. 5:23; Мф. 5:24).

Укоряеми, благословляем; гонúми, терпúм; хýлими, утешаемся (1Кор. 4:12; 1Кор. 4:13).

Глава 5. Кто любит по Христе, тот любимого им иногда и огорчает к его же пользе.

Ныне же иду к Пославшему Мя, и никтоже от вас вопрошает Мене: кáмо úдеши? Но яко сия глаголах вам, скóрби исполних сердцá ваша. Но Аз истину вам глаголю: ýне есть вам, да Аз иду (Ин. 16:5; Ин. 16:6; Ин. 16:7).

Яко ми паче возрáдоватися, яко аще и оскорбих вас посланием, не раскаюся, аще и раскаял бых ся; вижду бо, яко послание óно аще и к часý, оскорби вас. Ныне радуюся, не яко скорбни бысте, но яко оскорбистеся в покаяние; оскорбéсте бо по Бозе, да ни в чемже отщетитéся от нас (2Кор. 7:7; 2Кор. 7:8; 2Кор. 7:9).

Правило 6.
О дерзновении в исповедании Бога
и Христа Его

Глава 1. Без страха и стыда с дерзновением дóлжно исповедовать Гóспода нашего Иисуса Христа и Его учение.

Еже глаголю вам во тме, рцыте во свете; и еже во ушы слышите, проповéдите на крóвех. И не убойтеся от убивающих тело, душú же не могущих убити; убойтеся же паче могущаго и дýшу и тело погубúти в геенне (Мф. 10:27; Мф. 10:28). Всяк убо иже исповесть Мя пред человеки, исповем его и Аз пред Отцем Моим, Иже на небесех (Мф. 10:32).

Иже бо аще постыдится Мене и Моих словес, сего Сын Человеческий постыдится, егда приидет во славе Своей и Отчей и святых Ангел (Лк. 9:26).

Не постыдися убо страстию Гóспода нашего Иисуса Христа, ни мною юзником Его; но спостраждú благовествованию (2Тим. 1:8). Яко добр воин Иисус Христов (2Тим. 2:3).

Правило 7.
О том, что исповедание Гóспода
преступающим заповеди Его
недостаточно ко спасению

Глава 1. Если кто исповедует, по-видимому, Гóспода и слушает Его учение, но заповедям Его не повинуется, то он осужден, хотя бы, по особому домостроительству, дано было ему иметь и духовные дарования.

Не всяк глаголяй Ми: Господи, Господи, внúдет в Царствие Небесное; но творяй волю Отца Моего, Иже есть на Небесех. Мнози рекут Мне во он день: Господи, Господи, не в Твое ли имя прорóчествовахом, и Твоим именем бесы изгонúхом, и Твоим именем силы многи сотворúхом? И тогда исповем им, яко николúже знах вас: отыдúте от Мене, делающии беззаконие (Мф. 7:21; Мф. 7:22; Мф. 7:23) и проч.

Чтò же Мя зоветé: Господи, Господи, и не творитé, яже глаголю? (Лк. 6:46) и проч.

Бога исповедуют вéдети, а дéлы отмéщутся Его, мéрзцы сýще и непокорúви и на всяко дело благое неискýсни (Тит 1:16).

Правило 8.
О вере и несомненности
глаголов Господних

Глава 1. В рассуждении сказанного Господом не дóлжно приходить в колебание и сомнение, но несомненно принимать, что всякий глагол Божий истинен, всесилен, хотя бы в противном уверяла природа. Ибо в этом — и пóдвиг веры.

В четвертую же стражу нóщи úде к ним Иисус, ходя по морю. И видевше Его ученицы по морю ходяща, смутишася, глаголюще, яко призрак есть; и от страха возопиша. Áбие же речé им Иисус, глаголя: дерзайте; Аз есмь, не бойтеся. Отвещав же Петр речé: Господи, áще Ты есú, повели ми приити к Тебе по водáм. Он же речé: прииди. И излез из корабля Петр, хождаше по водáм, приити ко Иисусови; видя же ветр крепок, убояся, и начéн утопати, возопú, глаголя: Господи, спаси мя. И áбие Иисус, простер руку, ят его и глагола ему: маловере, почто усумнéлся еси? (Мф. 14:25; Мф. 14:26; Мф. 14:27; Мф. 14:28; Мф. 14:29; Мф. 14:30; Мф. 14:31).

Пряхуся же между собою жúдове, глаголюще: кáко может Сей нам дати Плоть Свою ясти? Речé же им Иисус: аминь, аминь глаголю вам; аще не снéсте Плоти Сына Человеческаго, ни пиéте Крóве Его, живота не úмате в себе (Ин. 6:52; Ин. 6:53).

Речé же к нему Ангел: не бойся, Захарие; занé услышана бысть молитва твоя, и жена твоя Елисавет родит сына тебе (Лк. 1:13). И вскоре потóм: И речé Захария ко Ангелу: по чесомý разумею сие? аз бо есмь стар, и жена моя заматорéвши во днех своих. И отвещав Ангел речé ему: аз есмь Гавриил предстояй пред Богом, и послан есмь глаголати к тебе и благовестúти тебе сия; и се, будеши молчя и не могий проглаголати, до негоже дне будут сия; занé не веровал еси словесем моим, яже сбудутся во время свое (Лк. 1:18; Лк. 1:19; Лк. 1:20).

И не изнемог верою, ни усмотрú своея плоти ужé умерщвленныя, столетен нéгде сый, и мертвости ложéсн Сарриных; во обетовании же Божии не усумнéся неверованием, но возмóже верою, дав славу Богови и известен быв, яко, éже обещá, сúлен есть и сотворити. Темже и вменúся ему в правду (Рим. 4:19; Рим. 4:20; Рим. 4:21; Рим. 4:22).

Глава 2. Кто не верит Господу в малом, тот, очевидно, тем паче не поверит в большем.

Аще земная рекóх вам, и не веруете; кáко, аще рекý вам небесная, уверуете? (Ин. 3:12).

Верный в мáле, и во мнóзе верен есть; и неправедный в мáле, и во мнóзе неправеден есть (Лк. 16:10).

Глава 3. Дóлжно не на собственных рассуждениях утверждаться и отвергать сказанное Господом, но знать, что глаголы Господни достовернее собственного удостоверения.

Тогда глагола им Иисус: вси вы соблазнитéся о Мне в нощь сию... Отвещав же Петр речé Ему: аще и вси соблазнятся о Тебе, аз никогдаже соблажнюся. Речé ему Иисус: аминь глаголю тебе, яко в сию нощь, прежде даже алéктор не возгласит, трикраты отвéржешися Мене (Мф. 26:31; Мф. 26:33; Мф. 26:34). Вечеру же бывшу, возлежаше со обеманáдесяте ученикóма; и ядýщим им, речé: аминь глаголю вам, яко един от вас предаст Мя. И скорбяще зелó, начáша глаголати Ему един кийждо их: еда аз есмь, Господи? (Мф. 26:20; Мф. 26:21; Мф. 26:22).

И бысть глас к нему: востав, Пéтре, заколи и яждь. Петр же речé: никáкоже, Господи, яко николúже ядох всяко скверно или нечисто. И се глас паки к нему вторúцею: яже Бог очистил есть, ты не сквернú (Деян. 10:13; Деян. 10:14; Деян. 10:15).

Помышления низлагающе, и всяко возношение взимающееся на разум Божий, и пленяюще всяк разум в послушание Христово (2Кор. 10:4; 2Кор. 10:5).

Правило 9.
О знании и незнании того,
чтò до нас касается

Глава 1. Дóлжно не пренебрегать знанием касающегося до нас, но, со вниманием слушая учение Гóспода, разуметь и исполнять волю Его.

Отвещав же Петр речé Ему: скажи нам притчу сию. Иисус же речé (им): еще ли и вы без разума естé? не у ли разумеваете, яко всяко, éже входит во уста, во чрево вмещается и афедроном исходит? исходящая же изо уст, от сéрдца исходят, и та сквернят человека (Мф. 15:15; Мф. 15:16; Мф. 15:17; Мф. 15:18). Всякому слышащему слово Царствия и не разумевающу, приходит лукавый и восхищает всеянное в сердцы его; сие есть, éже при пути сеянное (Мф. 13:19). И вскоре потóм: А сеянное на дóбрей землú, се есть слышай слово и разумевая; иже убо плод приносит и творит ово сто, ово же шестьдесят, ово трúдесять (Мф. 13:23).

И призвав весь народ, глаголаше им: послушайте Мене вси и разумейте (Мк. 7:14).

Блюдите убо, кáко опасно хóдите, не якоже немудри, но якоже премудри, искýпующе время, яко дние лукави суть. Сего ради не бывайте несмысленни, но разумевайте, чтò есть воля Божия (Еф. 5:15; Еф. 5:16; Еф. 5:17).

Глава 2. Не дóлжно любопытствовать о не касающемся до нас.

И по хлебе тогда внúде в онь сатана. Глагола убо ему Иисус: éже твориши, сотвори скоро. Сего же никтоже разумé от возлежащих, к чесомý речé ему (Ин. 13:27; Ин. 13:28).

Они же убо сошедшеся вопрошаху Его, глаголюще: Господи, аще в лето сие устрояеши царствие Израилево? Речé же к ним: несть ваше разумети времена и лéта, яже Отец положи во Своей власти (Деян. 1:6; Деян. 1:7).

Глава 3. Имеющим тщание о благоугождении Богу свойственно и других спрашивать о чём дóлжно.

И приступиша к Нему ученицы Его, глаголюще: скажи нам притчу плéвел сéлных (Мф. 13:36).

И се, един (некий) пристýпль речé Ему: Учителю благúй, чтò блáго сотворю, да úмам живот вечный? (Мф. 19:16).

Глаголаше же исходящым народом креститися от него: порождения ехиднова, ктò сказá вам бежати от грядущаго гнева? (Лк. 3:7). И несколько ниже: И вопрошаху Его нарóди, глаголюще: чтò убо сотворим? (Лк. 3:10). Подобно сему спрашивали мытари, подобно и воины (см.: Лк. 3:12; Лк. 3:13; Лк. 3:14).

Слышавше же умилишася сердцем и рéша к Петру и прочым апостолом: чтò сотворим, мýжие братие? (Деян. 2:37).

Глава 4. Вопрошаемому дóлжно заботиться о том, чтоб дать дельный ответ.

И се, законник некий востá, искушая Его и глаголя: Учителю, чтò сотворив, живот вечный наследую? Он же речé к нему: в законе чтò писано есть? кáко чтéши? Он же отвещав речé: возлюбиши Гóспода Бога твоего от всего сéрдца твоего и от всея душú твоея, и всею крепостию твоею и всем помышлением твоим; и ближняго своего яко сам себе. Речé же ему: право отвещал еси; сие сотвори и жив будеши (Лк. 10:25; Лк. 10:26; Лк. 10:27; Лк. 10:28).

Слово ваше (да бывает) всегда во благодати, сóлию растворéно, вéдети, кáко подобает вам единому комуждо отвещавáти (Кол. 4:6).

Глава 5. Большое осуждение ожидает знающих, но не делающих. Впрочем, небезопасно грешить и по невéдению.

Той же раб вéдевый волю господина своего, и не уготóвав, ни сотворив по воли его, биéн будет много; невéдевый же, сотворив же достойная ранам, биéн будет мало (Лк. 12:47; Лк. 12:48).

Правило 10.
Какой конец греха
и какой конец заповеди Божией

Глава 1. Конец греха — смерть.

А иже не верует (απειθών) в Сына, не ýзрит живота, но гнев Божий пребывает на нем (Ин. 3:36).

Егда бо рабú бéсте греха, свободни бéсте от правды. Кий убо тогда имéсте плод? О нихже ныне стыдитéся, кончина бо óнех смерть (Рим. 6:20; Рим. 6:21). И вскоре потóм: обрóцы бо греха смерть (Рим. 6:23).

Жало же смерти грех (1Кор. 15:56).

Глава 2. Конец заповеди Божией — жизнь вечная.

Аминь, аминь глаголю вам: аще кто слово Мое соблюдет, смерти не úмать видети во веки (Ин. 8:51).

Но пославый Мя Отец, Той Мне заповедь дадé, чтò рекý и чтò возглаголю; и вем, яко заповедь Его живот вечный есть (Ин. 12:49; Ин. 12:50).

Ныне же свобóждшеся от греха, порабóщшеся же Богови, úмате плод ваш во святыню, кончину же жизнь вечную (Рим. 6:22).

► Правила 11–20

Текст по изданию «Святитель Василий Великий. Избранные творения» (Издательство Сретенского монастыря, М., 2008 г.).
Эл. издание — сайт ἩΣΥΧΊΑ (hesychia.narod.ru). При размещении на других сайтах — ссылка обязательна.